بقلم/ شريهان محمد صديق

واكفنا شر الاهتمام
ف هيئة عطف
وشر الفرحه لو تيجي
وتمشي خطف
وشر اللي يبان صاحب
وهوه عدو
وشر اللي عارفينا
عشان يوصلوا
وشر إحساس القهره
اللي مالهوش وصف !

وكل وش متنكر
وحلم يضيع ويتبعتر
وروح مالصدمه تتكسر
وتتعور ماتنطق حرف ..

وشر الدمعه ب الأنّه
وناس فحياتنا تخدعنا
وتستهتر بأوجاعنا
وتتسبب فكسره وضعف ..

وشر النفس والوسواس
وشر الحوجه في الإحساس
وشر الصدمه م الإخلاص
وجرح ما عمره بطَّل نزف ..

وشر العشمنه فمفيش
أو الإهمال أو التطنيش
وأي غضب ماهوش تهويش
وكل مرض ولا بيخف ..

وكل مفاجأه مش سارَّه
وكل هزار بيقلب جد
ولمّه بتفضى على سهوه
وبعديها منلقاش حد
وشر الغدر على غفله
وشر الخاتمه والقفله
وشر القبضه فقلوبنا
وشر عيون ببلوه ترف !!!