د. عصام الشاذلي
انت…. أيوه.. إنت يا برنس..
يا مهم إنت يا أبو نضارة وبدلة وعربية
بس رد عليا
مش إنت لاعيب بردوا
لا لا إنت شكلك فنان ممثل.. آه
مش إنت بتظهر فى الإعلانات
والاحتفالات
وفى المآتم ساعات
وأحياناً فى الاعتقالات
مش حضرتك بردوا… ولا…
أيوه أنت فى البنك محاسب
لا إنت فى المستشفى طبيب
لا لا شكلك فى منصب عالى..
إنت يا برنس أيوه إنت يا مهم إنت يا أبو نضارة لايقة عليك يا حلو يا أسمر يا.. يا.. مش إنت بردوا من هنا
لا لا شكلك والله اسكندرانى لا ملامحك بتقول أسوانى لا محلاوى
يا راجل مش تقولى إنت دقهلاوى لا ممكن تكون جيزاوى
إنت أيوه
بقولك ممكن آخد معاك سيلفى
معلهش عشان خاطرى
وابقى يا عم بالفيتوشوب احذفنى
أو حلينى وعدلنى
أيوه بقولك.. مفيش شغلانه جنبك.. هواية مثلا
أو ممكن شيالة.. طب سكرتيرة أيوه..
إنت يا برنس.. يا مهم إنت يا ابو نضارة وبدلة وعربية
بس رد عليا
يا مهم إنت يا أبو نضارة وبدلة وعربية