عمرو الكاشف يكتب الطعام بمحطة قطار الجيزة فيه سم قاتل
الطعام فيه سم قاتل بكافتريا محطة قطار الجيزة .. فى أثناء وانا مسافر خارج القاهرة لقضاء مهمة عمل خاصة روحت اتعشى بكافتريا قطر الجيزة والوجبة كانت عبارة عن رز وفراخ وكبدة وكفتة .. لكن الكبدة كانت خسرانة .. عرفت الجرسون وحاول ينكر كلامى .. قولتله طب جرب كل من الكبدة .. رد الجرسون قالى مليش فى أكل الكبدة .
روحت عرفت الجرسون زميله برضو مرضيش يأكلها .. وبعدها قولتلهم طلعولى الكبدة الأصلية اللى عندكم قالولى خلصت .. وقولت للسيرفيس يأما تجربوا تأكلوا الكبدة دى طالما بتقولوا أنها كويسة يإما هابهدل الدنيا دلوقت ومحدش رضى يأكلها .. والجرسون اعتذر وقالى متأسف واخد الكبدة ورماها ..
بعدها روحت صورت الصورة دى والجرسون قاعد ورايا هو وزميله والجرسونات اتفزعوا لما لقونى بصور .. وبلغت إدارة المحطة بالأكل الملوث ده .
.. للاسف مع الجو الحر الكبدة التى يتم تصديرها من امريكا الى مصر بتخسر بسرعة .. وبعض المطاعم كما معروف تستغفل الزبائن بوضع التوابل والشطة على الكبدة التى هى فى الأصل عبارة عن دم محمد .. لكن عندى هنا الحركة دى لا تنطلى عليا .. وفى الصور جزء من قطعة الكبدة الخسرانة والجرسون ورايا متخوف من رد فعلى.. وكمان دفعت نص الحساب فقط والجرسون منطقش ولا كلمة..
