خالص العزاء وفاة الاستاذ نبيل ندا رحمة الله عليه .. وعزاء من عمرو الكاشف

خالص العزاء وفاة الاستاذ نبيل ندا رحمة الله عليه – بالمنصورية هرم محافظة الجيزة – ودعوة ان يتغمده الله بواسع رحمته ويسكنه فسيح جناته .. وعزاء من جاره عمرو الكاشف

وقال مصطفى نجل الراحل الاستاذ نبيل ندا


(ابويا الحبيب نبيل الأخلاق رحمه الله عليك يا حبيبي
راضيين بقضاء الله وقدره زي ما علمتنا…
حسيت انك مشيت فجأه من غير ما تقولي هعمل ايه سبتني في وسط الطريق…… لكن ربنا مدبر الأحوال ان شاء الله

اللي مصبر الواحد يا بابا على فراقك هو حسن الخاتمه ليك يا حبيبي ❤️

كلمه الله أكبر في صلاه جنازتك كانت بتهزني جدااااا
كم الناس اللي عزت و قالو كلام في حقك يقشعر البدن…
اول مره اشوف ناس بتعزي تفضل تبكي بكاء شديد و انا و امي و اخواتي نفضل نصبرهم بدل ما هما يصبرونا

اكتر حاجه كانت منوره في شخصيتك انك كنت بتحب الخير و بتعلم اي حد معلومه تفيده في شغله…… كنت عبقري و منظم في شغلك و بحتب عملك جدا بإخلاص
اخلصت لأمي و لي واخواتي و أهلك
هتفضل سيرتك الطيبه هي اللي عايشه و إحنا عايشين بيها

مهما غبت عني ستظل انت البطل في نظري
صاحب كلمه الحق و الصدق و عدم النفاق ولا الرياء
صاحب صله الارحام و ود و حب الناس
كنت نعم الاب و الصديق و القائد
صاحب الوجه البشوش
صاحب ابتسامه بسيطه و سهله
جدع جدا مع أي حد
عمرك ما عرفت تكره حد
كنت بتلتمس الاعزار لأي حد
بابا انت الفارس النبيل بالنسبه لي
واحشني و هتوحشني يا حبيبي
………………
فضلا و ليس امرا أسألكم الدعاء لوالدي)


اترك تعليقاً

لن يتم نشر عنوان بريدك الإلكتروني.