نجلاء ايهاب تكتب. القواعد الاربعون لتكون رجلا فى بيتك وكلمتك مسموعة =

مساء الخير
دى مقالة كنت كتباها قلى رائيك فيها
القواعد الاربعون لتكون رجلا فى بيتك وكلمتك مسموعة

بقلم الفنانة التشكيلية نجلاء ايهاب على

==================================
١_لازم تحط فى عقلك الزواج من اكبر النعم اللى ربنا بيرزق بيها عباده والست اتخلقت بعد الرجل يعنى هدية من ربنا للرجل تؤنس روحه وعقله تمام على فكرة دى اهم قاعدة اللى هيتبنى عليها كل تصرفاتك معاها
٢-مفيش اعظم من الشكر لله على نعمه والدعاء بالبركة
٣_حط نية وانت بتجوز انك بتعمل بيت سعيد وربنا يبارك ليك البركة هى اللى هتخليك سعيد كل خطوة وكل تعب هيكون فى ميزان حسناتك مدام حطيت نية
٤-متعملش اى حاجة حرام فى فترة الخطوبة علشان البدايات اللى مش بترضى ربنا نهايتها مش هترضيك
٥-بعد الزفاف تصلى ركعتين وتطلب من ربنا البركة فى بيتك
٦-تقعد مع مراتك وتقولها كل اللى بتكره مادام حرام وكل اللى تحبه مادام حلال
٧-اسمع منها بردوا اللى بتحبه وابه اللى بتكرهه
٨-اتفقوا وقت الخلاف منحكيش لحد ونحكم كتاب الله بينا الحلال هنعملوا والحرام نبعد عنه
٩-عاملها زى مابنتك ايوة زى الاب العطوف اللى بيعامل بنته
يعنى وقت الغضب تاخدها على قد عقلها ووقت الفرح سيبها تفرح بالحلال
١٠-وانت فى الشغل اتصل تتطمن على بيتك وهات شوكلاته واحدة مخصوص ليها او اى حاجة بتحبها هتفرق معاها جدا
١١-عاملها زى بنتك تانى هتقدرك اوى وهتحترمك جدا ونفس الوقت هيبقى ليك هيبة عندها زى ابوها لانها عارفة انك بتكبر دماغك معاها بمزاجك فتخاف تزعلك اكتر علشان متشوفش وش مش حلو
١٢-اتكلم معاها معلش لو نصف ساعة فى اليوم
١٣-سيب الموبايل وهى بتكلمك ميجراش حاجة هيفوتك اتنين لايك مراتك اهم دا بيترجم هندها انك بتحترمها ومقدرها
١٤-قصاد اهلك اذكرها بالخير من غير افورة هتتبسط اوى
وهتروح تعملك كيكة
١٥-لو طلبت تخرج مع اصحابها يوم وانت عارفهم وهى اكيد مش هتصاحب الا على حد كويس خليها تخرج هتحس بالامان معاك وانت مش خانقها
١٦-يوم اجازتك اخرج معاها ساعتين بس وقضى بيقية يومك مع اصحابك عادى مش لازم كل اسبوع خليها كل اسبوعين
١٧-حاول تصلى معاها وتقروا لو صفحة قران واحدة مع بعض وياريت تعرف تفسير الصفحة وتفتح حوار معاها ياسلام هتنبهر بيك
١٨-لما تدخل بيتك قول السلام عليكم يبعد الشيطان عنكم وادخل بابتسامة هتقول تعبان طب يعنى التشكيرة هى اللى بتريح بالعكس الابتسامة حلوة ليك وليها وللعيال
١٩-اوعى المقارنة اوعى المقارنة اوعى المقارنة لما تقولها اكل اختى مش هتعمل اكل زى اختك لاء مش هتعمل خالص
٢٠-الاكل مهما كان يسلم ايدك والله هى عارفة اكلها اذا مالح او شايط بس الكلمة الحلوة هتكسف منك وهتتعلم لغاية ماتبقى اروبة
٢١-اى نقد فى البيت او ملاحظة ابداء تسلم ايدك تعبتك معايا وبعدين قول الملاحظة هتسمع منك
٢٢-انت اتجوزت يعنى اسمك عند ربنا محصن يعنى مش العين رايحة وجاية على مخلوقات الله غص بصرك على زوجتك علشان تملى عينك وتبقى مبسوط بيها
٢٣-دايما بص فى وشها وقول انا بحمد ربنا على النعمة انك موجودة فى حياتى ياااااااه هتقوم جرى تعملك اى تطلبه وهيبقى كل همها رضاك بس
٢٤-اديها مصروف شخصى على قدر استطاعتك
مش بقولك كل ماتحسسها انك فى حنية ابوها هتقدرك جداااااا
٢٥-اى حاجة تعملها حلوة قول كلمة حلوة والله هيبقى البيت جنة
٢٦-لو تعبت خليها تستريح وحاول تساعدها وانك خايف عليها مش هتنساها ليك ابدااااااا
٢٧-لو بتقعد كتير فى البيت حاول تساعد معاها ولنا فى رسول الله قدوة الحركة دى بتبين انك مقدر خدمتها ليك ولبيتك هتتبسط جدددددا
٢٨-والله لو نيتك اسعاد زوجتك فعلا علشان عارف انها نعمة ربنا هيزيدك صحة ومال وعافية (ولئن شكرتم لازيدنكم )
٢٩-اتعصبت غصب عنك عادى بتحصل من ضغوطات الحياه لما تهدى متتكبرش انك تقولها سامحينى زعلت هى مش هتخليك تكمل الاعتذار وهتضحك عادى
٣٠-عاملها زى بنتك بعقلية الاب تانى وتالت ورابع
٣١-اساءلها عن احوالها وخليها تتكلم براحتها واسمع ليها من غير ماتتفرج على التليفزيون دى مهمة جدا جدا
٣٢-التواصل التواصل التواصل فى الكلام هو اللى بيخلى الحياه تستمر لان كدا بقيتوا اصحاب
٣٣-هات ليها حاجة حلوة بتحبها
٣٤-اكرم اهلها لما يجوا عندك هتحس انها قاعدة مع معلك بيحسن للضيوف
٣٥-اوعى اوعى تكسفها قصاد حد او تقولها كلمة جارحة سواء اهلها او اهلك او ولادك
٣٦-اقتدى بسيدنا لقمان ووصى ولادك ببرها وطاعتها ويخافوا عليها يااااااه والله وانا بكتب البوست بقول ايه الجنة دى
٣٧-طب وليه منعش فى جنة الله على الارض كفاية تفتكر (وخلق لكم من انفسكم ازواجا لتسكنوا اليها )
السكن دا اكتر من الراحة والسعادة وكمان دى مخلوقة من نفسك يعنى انت
٣٨-لو بتحب نفسك بجد بجد هتحلها وتسعدها لانها مخلوقة من نفسك
٤٠- عارف لو عملت القواعد دى استحاااااالة تزعلك وهتسمع كلامك وهى مبسوطة كمان وتبقى المحامى ليك هتدافع عنك قصاد اى حد وهتستحملك على الحلوة والمرة وهيلقى كل همها اكرم ازاى الراجل الكريم دا
***،
#مودةورحمة
#نجلاءعلى

اترك تعليقاً

لن يتم نشر عنوان بريدك الإلكتروني.