عمرو الكاشف
كنت رايح مشوار لمنطقة من ازحم الاماكن بمصر وهى العتبة روحت واخد موتوسيكلى (يطلق عليه اسكوتر ) 🚶 ..حتى الركنة له مكنتش سهلة من شدة الزحمة لغاية ملاقيت ركنت موتوسيكلات بشارع محمد على حيث السايس راجل شاب ومراته .
العادة ان ركنة المكن الموتسيكلات تسعيرتها ٥ جنيهات. المهم جيت اركن لاقيت السايس ومراته بياخدوا من الناس عشرة جنيه وكذا حد بيجادلهم فركنت الموتوسيكل ومشيت ،ورجعت بعد ثلاث ساعات فجه السايس ياخد منى فلوس الركنة وقف جنبى وبصلى وسألنى قالى انت بتشتغل ايه فبصيت له بهدوء وقولت له معاك الصحفى عمرو الكاشف فرد بضحكة وكلام بيعبر عن الاحترام يا اهلا .
والسايسى مستنى ان اطلع له الفلوس فأعطيته ٥ جنيه فقط فتجهم السايس قليلا وقالى هى المفروض عشرة جنيه عشان كل الاسعار رفعت فقولت له ٥ جنيه كفاية ،فرد السايس وقالى خلاص مقبولة من حضرتك .
جت مراته وسألت جوزها اعطاك كام وزعلت وصممت عايزة عشرة جنيه على الركنة بس طريقة الست السايسة جوز السايس فى الكلام معجتنيش ،فرديت نفس ردى وقولت لها كفاية خمسة جنيه راحت صممت على ١٠ جنيه وجوزها ساكت متكلمش .
فروحت رديت بطريقة شبه حادة قولتلها الراجل جوزك اللى معاكى اتفق على ٥ جنيه خلاص كلمة الراجل هنا هى الل هاتمشى🙎 ،فراح جوزها السايس رد وهة مبسوط وقال ايوة عندك حق وقال لزوجته السايسة خلاص الخمسة جنيه عندى انا ،فراحت مراته صممت انا قولت عشرة يبقى عشرة ، فرديت نفس الرد عليها بحدة اكتر وقولتلها كلمة راجلك هى اللى هاتمشى خمسة يبقى خمسة مش عشرة وخلص الكلام👺، وانتهى الكلام ومشيت وببص على الجنب لاقيت السايسة بتبص لجوزها وهى مستحلفة ،
يارب لما ارجع المرة الجاية الاقى السايس ومراته السايسة كويسين مع بعضهم 👨👩👧👦
