أسماء السيد تكتب معلومة مهمة لو انسان في دايرته شخص مصاب بالاكتئاب
فيه كام معلومة مهم أي انسان في دايرته حد مصاب بالاكتئاب يفهمها✍️
قد يبدوا إنه مش ماسك فيك!
بس ده مش لإنه
مش عايزك
هو مش ماسك في أي حاجة حرفيًا في الحياة وكل حاجة مهما كانت كبيرة في عين الآخرين فيه عينه بقت متساوية
بيحتاج ايه منك؟
إنه يشوفك متبت فيه
إنك متفلتش إيده مهما استسلم
او حتي زقك بعيد عنه
محتاج تسايسه عشان
يتابع مع دكتور ويآخد العلاج
لأن الاكتئاب حالة من اليأس التام
واحساس مسيطر عليه ان مفيش حاجة ف الكون هتعرف تساعده او تخرجه من الاحساس ده!
وعشان كدا العلاج مش اوبشن ولا رفاهية
لأن الاكتئاب
بيغير في كيميا المخ وبيسبب ضعف افراز المواد ال بتخلي مود الانسان مبسوط او طبيعي
فلااااازم التدخل الدوائي
زي مريض السكر
لازم دوا عشان يظبط نسبة السكر في الدم
والأهم محتاج تتنازل عن كل القيود التقليدية من كبرياء
وعزة نفس والإيجو لانه أصلا مش شايفهم وتقريبا مش شايفك ولا شايف أي حد حواليه
زي ال ف بير ضلمة
محدش سامعه والضلمة خلته مش شايف اي حاجة
عايز حد جدع متبت فيه
يركن كل خلاف علي جمب
ويعدي بيه من وسط العواصف لبر الآمان
وبمناسبة الجدعنة
من المدن ال بحبها #اسكندرية
لاني اعرف عن أهلها إنهم جدعان وولاد بلد
سواء بنات ورجالة 💙
النوة لما بتيجي والعواصف
لما تشتد مش من الذكاء أبدًا نقف ف وشها
لانها ممكن تقلع البيوت
لو الحب هش أو قش
احنا موجودين في حياة بعض
عشان ال يقع نسنده مش نحاسبه
لانه بيكون فاقد التوازن وفي فترة تخبط
والرؤيا كلها في عينه ضبابية وقراراته مشوشة!
ولا ينفع نقف مكانا
نستني يرملنا طوق النجاه وهو نفسه بيغرق
في بحر كله ضلمة
#مراسيل