الإعلامية وصانعة المحتوى سالى السيد تهنئ جمهورها بعيد الأضحى

وقالت عبر صفحتها الرسمية

🎉 عيد أضحى سعيد عليكم جميعًا 🌙
كل سنة وأنتم طيبين، يا أغلى الناس على قلبي..
العيد ده جاي مختلف بالنسبالي، جاي بعد وقت مليان بمواقف وتجارب علمتني كتير.
عدّيت بفترات صعبة وحلوة، بس اتعلمت إن مفيش حاجة بتدوم.. لا الوجع ولا الفرح، وإن اللي بيكمل هو إصرارنا نقف على رجلينا ونكمل مشوارنا بإيمان وثقة.

السنة دي فرحت من قلبي بحاجات كتير حصلتلي..
طلعت مني مواهب مكنتش أعرف إنها جوايا،
واتعينت في عضو هيئة عامة فى الاتحاد الدولي للدفاع عن حقوق الطفل الامانة العامة جمهورية مصر العربية وده بالنسبالي خطوة حسيتها إنجاز حقيقي ورضا من ربنا.

الحمدلله.. دايمًا في حاجات بتحصل تفكرنا إن ربنا بيكافئنا، حتى بعد التعب.
وبتمنى إن الأيام الجاية تكون عوض جميل لكل حاجة فاتت.

❤️ شكر خاص لكل حد دعمني، وآمن فيا، وكان سبب في اللي وصلتله – حتى لو مش ظاهر قدام الناس، أنا عارفة إنكم موجودين، ومش هنسى وقفتكم أبدًا.
وشكر كبير لمصمم البوستر الجميل: عبدالله عزالدين .. لمستك فرقت 💫

كل سنة وأنتم بخير، وعيدكم مليان فرحة وسكينة وعوض من ربنا 🙏