دعواتنا بالشفاء التام للفنانة التشكيلية إسراء الموافى بعدما اصيبت فى حادث طريق،مؤازرة من مجلة ابداع العرببرئاسةةتحرير عمرو الكاشف
دعواتنا بالشفاء التام للفنانة التشكيلية إسراء الموافى بعدما اصيبت فى حادث طريق،ومجلة ابداع العرب ورئيس تحرير الفنان التشكيلى عمرو الكاشف يدعوا لها بالشفاء
وقالت الفنانة إسراء عبر صفحتها الرسمية بالسوشيال
طبعا أنا مش اول واحدة يضربها موتسيكل ويدوس على رجلها يكسرها وتركب شريحة ومسامير وتعيش التجربة !! بس عارفين احساس الضربة صعب قوى (الخبطة) وانتا طاير فى الهوا ودب على الأرض بتفتح عينيك وشايف السما وسامع صوت الناس بتقول الحق وبتجرى عليك .. موبايلك طار فى الهوا والشنطة معاه ، احساس انك على قيد الحياة ولازم تقوم ولما تتعدل تلاقى رجلك مش حاسس بيها ومفصولة عن بعضها بس أنا لسة عايشة على قيد الحياة !! طيب اللى ضربنى موجود .. اه موجود بس لقيتة على قد حاله وقولتله يمشى عشان ربنا نجانى .. مكنتش اعرف انى رجلى انفصلت عن بعض خالص ولازم أعمل عملية !!
طيب التجربة دى اتعلمت منها حاجات كتير قوى منها ان الدنيا لسة بخير وناسها بخير .. أهلى وأصحابى ومديرينى فى الشغل وزمايلى طلعوا معدنهم دهب وياقوت والماظ .. أنا لسة فى حياتى ناس ثمينة لا تقدر بثمن من الكبير للصغير .. ناس فأجتنى بحبهم الحقيقى وزعلوا عشانى .. أهلى كانوا متواجدين دون كلل أو ملل وبكل حب بعد شهر كامل بالمنزل بلا حركة ولسة اسبوعين ولسة العلاج الطبيعى .. بحمد ربنا أنه نجانى وانى بخير .. بشكر كل اللى اهتموا وسألوا عليا أنا عرفت قيمتكم وربنا يسعدكم جميعا ..
الحمد لله على نعمة الصحة ونعمة ستر الأهل والأحبه .. الحمد لله يارب على نعمك الكتير 🌹❤️
