ياسمين عز وبنت الشربينى من جرأكم تحكوا عليا ؟! .. قوانين ايه اللى بتخلع راجل ما تردوا عليا يا أفندية ؟! .. مش حواء إتخلقت علشانى وأهو جه اليوم وبعدت عنى علشان قوانينكم مش هى ..مين خلى كمان صوتها بيعلى من بعد ماكان الحنية من بهدل فيها وشردها ونفخها وقال ايه جملها ..خلاها تغير أفكارهاوخلاها تغير ملامحها ..وفهمها بانه بيكرمها وعملها مجلس وقرها .. طيب فين هى بقوانينكم وقانون رب كبير صانها .. لما الوحى نزل برسول الرحمة وحس بخوف راح لها وإقرأ المدثر ..وكمان عيسى كانت مريم أم مفيش زيها نحكى عليها ..يعنى الستات هن الرحمة ومن ضلع الراجل إتخلقت.. طيب ليه دلوقت بنتخانق وكأننا ناسيين بعضينا ..مين فرقنا وغير فينا ومن مصلحته كل ده يحصل ..غير إبليس ..خلاها تغير أفكارها ونساها سندها ومسندها والضلع اللى إتخلقت منه والقلب اللى شايلها ومش شايل منها ..وبمودة ورحمة بيعشقها .. ما هى حواء دى أمى وبناتها أخواتى اللى شالوا همى ..هى الحنية والجنة كمان تحت أقدامها …ملعون كل اللى يفرق بينى وبين واحدة إتخلقت علشانى وبحكمة رب كبير صانها ..كلمات / هانى محمد فوزى
