بقلم الناقدة الفنية مروة السوري

📍فيلم لعبة الست_انتاج الأربعينات
توثيق للحياة البسيطة والتمثيل العفوى والكوميديا الخفيفة اللطيفة على القلب والاسماء الغريبة اللذيذة “حسن عاشور ابو طبق وابور الجاز ، لعبة ، نفخو ، سنيه جنح ، محمود بلاليكا” ومشاهد الفنان رياض القصبجى ” أن خلص الفول أنا مش مسؤول” ومحل “ايزاك عنبر” الفنان سليمان نجيب بك “وسطتنا ربنا لو تنفع معاكم” و”خمسه لاكى” 😊

ده كان أول فيلم يخرجه مهندس الديكور والمناظر “ولى الدين سامح” اتعرف عليه نجيب الريحاني فى فيلم سلامه خير لانه كان مهندس المناظر ومصمم الملابس بالفيلم وهو اللى جعله مخرج فى فيلم لعبه الست وفيلم أحمر شفايف
وكان أول فيلم يمثله الفنان عزيز عثمان وأثبت أنه مطرب وفنان كوميدي بخفه ظل عاليه وخاصه بأغنية “بطلوا ده واسمعوا” الأغنية اللى فضلت بتتغنى لحد دلوقتي كنوع من الفكاهة فى الافراح والمناسبات.

الفيلم كان فيه كام لافته لطيفه أول حاجة أنه قدم كواليس عمل الفيلم السينمائي من خلال جعل الفنان حسن فايق مخرج وعايز مشاهد واقعية وأحاسيس سينمائية حقيقة من الممثلين وكان اسم الفيلم “خديجه الحسناء”

“أن شاء الله تموت في القمر علشان يدفونك فى عز الشمس”
الجملة اللى جعلت المخرج يقتنع بموهبة لعبه ويحولها للممثله مشهورة هى و عيلتها صحيح الفنون جنون من وجهه نظره أنها كانت تلقائية وواقعية فى ردودها عكس الممثله التانية لما كان بيقولها راجل بيعاكس راجل رغم أنه افيه ومشهد كوميدي لكن فعلا كان حقيقى أن أول درس في التمثيل انك تكون حاسس بالمشهد وعيونك وصوتك وجسمك يكون ظاهر فيه حرارتك بالمشهد الدرامى مش مجرد مهنه لكن شخصية بتلبسك بكل تفاصيلها وأبعادها النفسية ودى فعلا كانت تحية كاريوكا من أول ظهور ليها فى أى فيلم كانت تخطف الكاميرا بشخصيتها القوية الواثقة من قدراتها فى اى عمل بتقدمه ولما سافرت لبنان في الفيلم علشان غابات الصنوبر سافرت عن طريق القطر الدرجة الثانية وده كان بيطلع من محطة قنطرة الشرق من الاسماعيليه وكان بيمر على كل من
“غزة والقدس ويافا وحيفا وعكا وصولا لبيروت فى لبنان جنوب سوريا ودى كانت لافته لطيفه أنه زمان تذكرة واحده كنا نقدر نروح الدول العربية بدون جواز سفر أو تأشيرة لكن بمحطه قطار من مصر ،،،، الافت للإنتباه أن بعد الفيلم ده كان اختيار تحيه كاريوكا لافلامها لم تبرز موهبتها لكن هنرى بركات أبرزها فى شاطىء الغرام انتاج ١٩٥٠ مع المطربة ليلى مراد وهما الاتنين يكونوا مع بعض ومن الأساس الاتنين اللى كان مقدمهم للسينما واكتشاف المخرج توجو مزراحى 🎞️
ومن مرحلة شاطىء الغرام تحديداً بشوف تحية كاريوكا بتقدم بدايات نضجها الفنى 🩷