مجلس الشباب المصري برئاسة دكتور محمد ممدوح يطلق المكتب التنفيذي للمجلس في دولة الإمارات

متابعة عمرو الكاشف

واحدة من أهم خطواتنا في مجلس الشباب المصري إننا نفتح أبواب جديدة للتواصل مع ولاد بلدنا في الخارج واللي بيعتبروا سفراء لمصر في كل مكان ، والنهاردة فخورين إننا بنعلن عن انطلاق المكتب التنفيذي للمجلس في دولة الإمارات العربية المتحدة واللي هيكون مقره في دبي، علشان يخدم شبابنا المصريين هناك ويقوي مشاركتهم في الشأن العام ويعزز من تواصلهم مع بلدهم في واحدة من اهم ادوار منظمات المجتمع المدني .
المكتب هيقوده الإعلامي الكبير والصديق العزيز هشام البقلي، اللي مش بس صحفي ومقدم برامج، لكن كمان واحد من أبرز المحللين السياسيين على قنوات زي العربية والحدث وسكاي نيوز، وكمان مدير مركز القادة للدراسات السياسية وواحد من اهم الباحثين المتخصصين في مجاله ، هشام نموذج مشرف وفاعل جدًا في منطقة الخليج العربي، وواحد من الأسماء اللي بتدي قيمة وأثر حقيقي.
إحنا في مجلس الشباب المصري دايمًا بنفتخر إن حضورنا مش جوه البلد بس، لكن كمان بره مصر من خلال مكاتب تنفيذية بتضم كفاءات مصرية مميزة حوالين العالم، وخلال الفترة الجاية هيتم الإعلان عن تشكيل وأسماء اعضاء هيئة المكتب في دولة الإمارات العربية المتحدة ، واللي هتضم نخبة من كوادرنا هناك، وهيكون تشكيل مفاجئ بكل المقاييس.
مبروك لكل أصدقائنا في المكتب التنفيذي الجديد ، وكل التمنيات بالنجاح والتوفيق. ومع كل خطوة جديدة بناخدها، بنأكد إن هدفنا الأساسي هو تعزيز حق المشاركة، خصوصًا مع وجود حوالي 15 مليون مصري في الخارج، كل واحد فيهم سفير للوطن بطريقته .
#مجلس_الشباب_المصري
#مكتب_تنفيذي_الامارات_العربية_المتحدة
#الحق_في_المشاركة
#المصريين_بالخارج